Tabla di kontenido

Ken ta un konsumidó?
Derechi di e konsumidó
Debernan di e konsumidó
Punto importante pa ora nos to kumpra
Kiko ta un presupuesto?
Kiko ta meta di un presupuesto?
Kon ta traha un presupuesto?

Debernan di e konsumidó

Meskos ku e konsumidó tin derechinan, e tin tambe debernan o sea obligashon i responsabilidat. E konsumidó responsabel mester sa kiko e to kumpra, por ehempel si bo ke kumpra un keds, shimis of jeans bo mester sa delanta dor di puntra si algu pasa ku e artikulonan ku bo por drechele. Bo obligashon to pa puntra kuantu tempu di garantia bo to haña prome ku bo paga. E konsumidó mester kana rond kompara preis, e kalidat, garantia i servisio (p.e. to drecha pia di karson, to kose e manga largu hasié kortiku) prome ku bo bai over na kumpra un produkto.
Komo konsumidó responsabel bo mester buska tur informashon riba e artikulo ku bo to bai kumpra. Bo tin e obligashon di puntra e bendedó tur kos ku bo no to kompronde di e artikulo, sea to un sapatu of walkman of radio. Ta abo komo konsumidó (kumpradó) mester puntra tur kos ku bo no to kompronde di e artikulo ku bo ke bai kumpra. No kore kumpra pa loko pasombra un otro hende tine. Lesa etiket i instrukshon bon prome ku bo kumpra. E konsumidó responsabel mester eksigi servisio, si bo kumpra un telefon selular anto i e dana denter di un siman bo mester i tin e deber di reklama.

Korda bon, kontrola tur loke ku bo kumpra prome ku bo bandona e lugá. Bo mester to kritiko pa produktonan ku to den paki será, puntra pa habri e paki pa kontrolá e produkto, artikulonan elektroniko manera radio, walkman, camaera pidi pa testnan, televishon será den kaha, eksihi nan habri e kaha pa bo check wak si tur kos to na ordu. Si e establesimentu no ke pa habri e kaha, to bo deber pa puntra si algu bai malu, si bo por debolbe e produkto i algu hopi importante si bo to hana bo sèn bèk. Si no ta asina ta rekomendabel pa no kumpra e produkto. Tambe tin hopi komersiante ku no to duna sèn bèk, to un tegoedbon to duna, bo no to obliga di tuma esaki. Ley to bisa otro: sea to drecha, kambia e produkto, anto si no por drecha ni duna otro mes un kos, bo tin ku haña bo sen bèk.

Algu tambe ku ta hopi importante to eksihi bo garantia, si no tin garantia of e periodo di garantia to hopi kortiku preferibelmente no kumpra e produkto na e establesimentu, kana wak to ora bo haña loke bo to satifecho i kontentu kune. Anto naturalmente tur Joke nos kumpra nos tin e deber di paguele.