Tabla di kontenido

Ken ta un konsumidó?
Derechi di e konsumidó
Debernan di e konsumidó
Punto importante pa ora nos to kumpra
Kiko ta un presupuesto?
Kiko ta meta di un presupuesto?
Kon ta traha un presupuesto?

Derechi di e konsumidó

Komo kunsumidó bo tin 8 derechi basiko:

1. Derechi riba produkto i servisio di kalidat.

2. Derechi riba informashon korekto.

Tur produkto ku bo kumpra mester tin su instrukshon kon pa usele i kua ta e kosnan ku bo no tin mag di hasi ku e produkto pa esaki por sigui funshona i kisas no forma dano na bo salud.

3. Derechi pa reklama i haña dano i perhuiso.

for di ora bo paga pa un produkto of serviso bo tin derechi di reklama ora esaki naturalmente no ta kuadra ku e kalidat ku e mester tin. Por ehempel: un sapatu ku kibra den 2 dia bo tin derechi di reklama i eksihi un otro nobo anto e negoshante no por obligabo di tuma un "tegoedbon".

4. Derechi riba seguridat i protekshon.

Tur fabrikante tin e obligashon di traha i trese produkto i artikulonan ku no ta forma menasa pa bida di e ser humano, si akaso esaki ta e kaso e mester avisa publiko dor di pone esaki den e "gebruiksaanwijzing", "modo di uso", "manual" di e produkto.

5. Derechi pa eskoho liber.

Komo konsumidó bo tin e derechi di skohe unda bo ke kumpra artikulonan, kompara preis i skohe por ehempel kua skol bo ke manda bo jioenan.

6. Derechi riba representashon o sea e derechi pa ser skucha.

Fabrikantenan i gobierno por pidi nos opinion riba fabrikaskon di artikulonan pa medio di un enkuesta.

7. Derechi di haña formashon komo konsumido.

8. Derechi riba un medio ambiente sano.

Isla no mag di sigui shusha nos medio ambiente, ta pesey bo ta haña otro organisashonan manera "Amigu di tera" i "Defensa Ambiental" ta aktua.