Tabla di kontenido

Ken ta un konsumidó?
Derechi di e konsumidó
Debernan di e konsumidó
Punto importante pa ora nos to kumpra
Kiko ta un presupuesto?
Kiko ta meta di un presupuesto?
Kon ta traha un presupuesto?

Punto importante pa ora nos to kumpra

Bo mester sa kiko bo mes ke kumpra, kon e produkto mester ta, ki kolor bo ker'e, no kumpra solamente pasombra algu to na moda of pasombra otro hende tambe tin'e. Korda ku bo potmoni to bo responsabilidat.

Kompara oferta, preis, kalidat, i posibilidatnan pa paga tiki tiki. Tin establesimentu to duna bo e oportunidat di paga e artikulo den tres biaha, i nan no to kobrabo niun klase di interes. Ta un kuestion di puntra kiko to e posibilidatnan.

Puntra pa kondishon di benta, pago, kambio, uzo di e produkto/servisio ku bo ke kumpra.

Algu ku to hopi importante: si mester firma, i bo no to kompronde kiko tin skirbi, puntra semper pa un splikashon prome ku bo firma. Of si tin kondishon ku bo no to kompronde e manera ku nan a formulé, pone riba papel, to bo deber di puntra e bendedo pa un splikashon. Si bo no to kompronde no firma nada.

Lesa etikèt, instrukshon/manual bon, promé ku bo bai over na kumpra.

Warda bo resibu, bon i dokumentonan di garantia na un lugar kaminda semper bo por jega kwe nan.