Introdukshon pa depositá un keho on-line :

Nos tur ta un konsumidó, asina bo kumpra un produkto òf servisio pa bo propio uso i pa uso familiar bo ta un konsumidó. No ta importá unda bo ta biba, kiko ta bo trabou, bo edat, sekso, koló òf religion. Sa sosedé ku kosnan ku bo ta konsumí o sea usa, manera e.o. kuminda, paña, aparatonan eléktriko, etc. ku no ta kumpli ku rekisitonan ku ta garantisá uso normal di e produkto. Den un kaso asina bo tin derechi di reklamá i hasi un apelashon riba e Lei pa protekshon di e konsumidó. Tambe ora bo paga pa un servisio ku bo no ta kontentu ku n'e tambe bo tin derechi pa reklamá.

Pa por guia i hasi e proseso di reklamá i depositá un keho mas fásil bo por yena e formulario aki i Fundashon pa Konsumidó lo atendé esaki. Ta evaluá e kaso i eventualmente ta traha un sita pa un relato mas personal.

Bo akshon awe ta protehá e siguiente konsumidó i ta evitá mas problema.